المحرر موضوع: حكايتي وتجربتي السيئة مع صيانة LG  (زيارة 26 مرات)

جناح طاير

  • Sr. Member
  • ****
  • مشاركة: 265
    • مشاهدة الملف الشخصي

حكايتي وتجربتي السيئة مع صيانة LG

« في: آب 12, 2021, 02:37:45 مسائاً »
سأكتب لكم الآن؛ أنا (و.ي)؛ حكايتي وتجربتي السيئة "للأسف" مع صيانة LG. وهي كالتالي: في الاول انا أعتذر لكل اصدقائي ومعارفي الذين كنت في يوم سببا انهم يشتروا جهاز LG وخصوصا اجهزة التلفزيون TV لان قناعتى كانت مبنية على الرفاهية والـ Operating system وشوية الـ enhancements التي بيقدمونها في الجهاز خصوصًا الـ magic remote ؛ لكن لم أكن تعرضت حينها لتجربة الصيانة والضمان اللي هما المفروض بيمثلوا الـsecurity الحقيقي لفلوسك.

باختصار انا اشتريت جهاز TV LG يوم 30 مايو اللي فات من فرع شارع السودان بمبلغ 9399 جنيه، وتقريبا ماشغلتوش بس انا مستلم الجهاز سليم ومش فيه اي مشكلة المهم اكتشفت امبارح ان الشاشة مكسورة من اسفل جنب زر ال power قلت الحمدلله والعوض على الله اغير الشاشة في التوكيل وادفع نص الفلوس وابقى خسرت نص التليفزيون لان الكسر ممكن يكون بسبب من عندى وماعنديش اي تاكيد قاطع انه يكون سبب من الجهاز نفسه وانا عارف ان الشاشة عادة غاليه بس هادفع وخلاص وابقى اشتريت الجهاز بتمن الشاشة.

 كلمت خدمة العملاء على رقم 19960 وردت عليا بنت كانت very aggressive قلت مش مهم ده personal attitude ومش هركز معاه طلبت شوية داتا عن ال TV قفلت وكلمتهم رد عليا واحد اخد البيانات وسجل request وقاللي هنكلمك نبلغك توافر القطعة وسعرها ولو وافقت نحجزهالك وتجيبلنا الجهاز شكرته واستنيت المكالمة.

المفاجأة اللي بجد استفزتنى وخليتنى اول مرة اكتب بوست واتحرك شوية بشكل ايجابي سعر الشاشة اللي هتتغير 12000 جنيه ايوه الرقم صح يعنى تغيير الشاشة اغلى من تمن الجهاز بأكتر من 2390 جنيه وده معناه الوحيد انهم بيعرضوا حاجه العميل اكيد هيرفضها وبالتالي انت بتجيب الجهاز ومالكش فيه غير فرصة واحدة واي غلطه تروح ترميه فورا وربنا يعوض عليك في فلوسك.

انا اخدت المكالمة وقفلت مع الـ agent بعد ما أكدت عليه اكتر من مرة ان الرقم اللي قالوا ده صحيح وقررت انى هعمل كل اللي اقدر عليه وماخليش حد تانى يتعامل مع LG.