انا كنت اعد الأيام وساعات اقول متى بس اتخرج وذا تخرجت متى اتوظف عشان اتزوج كنت اتمنى اني اتزوج واستقر واعيش حياة زوجية سعيده .. لكن بعد ماتخرجت صارت تجيني مخاوف من الزواج وقلق ..
شايل هم المسؤلية وخاصة الروحات والجيات وعلى فكرة هذي المشكلة من سنتين او ثلاث سنين ماكانت عندي ابدآ ولا كنت اشيل هم السواقه ابدآ ومشاوير اهلي كلها علي انا وحتى اخواتي اللي متزوجات انا اللي اوديهم وجيبهم بس مدري وش اللي غيرني صرت اكره السواقه وتوتر اذا سقت وخاصة اذا جا وراي سيارة مسرع ويكبس يبغاني اوخر اتوتر من البواري اذا احد علق على البوري سوائن لي اولغيري واعصب و اتهاوش وبعض الأحيان توصل للمضاربة ..
صرت افكر الحين لو تزوجة وصارلي زي ذا الموقف قدام زوجتي .. ان سكت قهر ويمكن تحسبني زلابه وان تضاربت يمكن انطق قدامها علشان كذا انا خايف اني انهان قدامها او اني اطلع ضعيف في نظرها واطيح من عينها .. والله هذا الموقف لا يفارق مخيلتي سيطر علي تمامآ وحرمني من الزواج ..
في السنوات اللي راحت كان العائق اللي يحول بيني وبين الزواج الدراسة واني ما بعد توظفت لاكن الان العائق اللي يحول بيني وبين الزواج هذا الموقف او اي موقف مشابه له والله الضيقه اللي مسببتها لي هذي الفكرة مايعلم فيها الا ربي نفسيتي تعبانه مره واحس ان كل اخوياي بيتزوجون ونا بطول عزوبي ...
